إسلام فهمي شاب يبلغ من العمر 24 عاماً، من مواليد محافظة الإسكندرية وحاصل علي ليسانس الآداب قسم الإعلام من جامعة حلوان، لكنه قرر أن يكون مختلفاً ويعمل علي تحقيق حلمه، بعدما اكتشف موهبة الرسم لديه.

يقول إسلام لـ"المشهد": بداية اكتشافي لموهبة الرسم لدي، كانت منذ صغري، في المرحلة الدراسية الابتدائية كنت أحب رسم الشخصيات الكرتونية مثل توم اند چيرى و طرازان و علاء الدين، ولكن نظراً لإنشغالي بالدراسة في الإعدادية والثانوية العامة تركت موهبتي، وبعد حصولي علي مجموع 88% في الثانوية العامة قرر ان ألتحق بكلية الفنون الجميلة لأكمل طريقي في تطوير الموهبة، ولسوء الحظ رسبت في امتحان القدرات لكلية الفنون الجميلة ، ودفعني ذلك للابتعاد عن موهبتي مرة أخرى.

بعد التحاقه بكلية الآداب قسم الإعلام ويالتحديد خلال فترة دراسته في الفرقة الثانية تجددت لديه الرغبة في الرجوع للرسم وتطوير موهبته القديمة. 

يقول إسلام فهمي: "بدأت أحط في دماغي هدف إني عايز أوصل للمستوي الاحترافي  في الرسم، وبالفعل بدأت اتعلم لوحدي ومخدتش اي كورسات وبدأت أحط لنفسي تحديات، وبفضل ربنا كنت بحققها، إلى أن وصلت للمرحلة اللي انا فيها حاليا". 

وعندما سُئِلَ إسلام عن أهم المواضيع التي يُفضل أن تجسدها لوحاته.  أجاب: " أنا بهتم اكتر باللي بيأثر فى المشاهدين، يعني أنا دايماً بحرص فى اختيارى للموضوع اللي برسمه انه يكون بيقدم رسالة أو هدف، يعني في مرة كنت راسم مشهد من مسلسل" ونوس" وهو مشهد النهاية وفكرتي كانت إني اقصد افكر اللي هيشوف الرسمة بالمشهد والمسلسل وأن المشهد دا كان بيتكلم عن إيه، باعمل تركيز على فكرة المشهد ، وبرضه عملت رسمة مشهد تانى كان من فيلم "الزهايمر" المشهد اللي جمع بين الفنان الكبير عادل امام والفنان الكبير سعيد صالح، وكمان أنا بحب افكر الناس بزمن الفن الجميل اللي اتربينا عليه والعلاقة القديمة لما اتقابلت فى الحاضر ووصلوا لإيه، فدايماً فى اختياراتى باكون عايز ارتقى بذوق اللي بيشوف رسوماتي وشغلي انه يشوف دايماً حاجة حلوة تمتع عنيه وإحساسه وفى نفس الوقت متكونش رسمتي مجرد صورة شافها وخلاص".  

واختتم إسلام بأنه يحلم أن يصل للعالمية، وأن يتقن كل الرسم بكل الخامات بلا إستثناء، وأكد أنه يحاول تطوير نفسه وإبداعاته الفنية.